इरानमा पक्राउ परेका अमृत झा रिहा, स्वदेश फर्काउने पहल जारी

काठमाडौं, वैशाख २ । इरानमा पक्राउ परेका नेपाली नागरिक अमृत झा रिहा भएका छन्। परराष्ट्र मन्त्री शिशिर खनालले सामाजिक सञ्जालमार्फत उक्त जानकारी सार्वजनिक गरेका हुन् ।
उनका अनुसार इरानस्थित नेपालको मानार्थ वाणिज्य दूतावास र कतारस्थित नेपाली दूतावास झासँग निरन्तर सम्पर्कमा रहेका छन्।
मन्त्री खनालले झालाई सुरक्षित रूपमा इरानबाट बाहिर ल्याएर स्वदेश फर्काउने प्रक्रिया अगाडि बढाइएको जानकारी दिएका छन्।
नेपाल सरकारको टोलीले आवश्यक समन्वय र कूटनीतिक पहलमार्फत उनलाई यथाशीघ्र नेपाल ल्याउने तयारी गरिरहेको जनाइएको छ।