मतदाता र करदाता

मतदाता थिएँ, अघिसम्म 
मतदानपछि मतदाता भइनँ । 

मतदाता थिएँ र पो भाउ थियो 
उम्मेदवारहरु मत माग्न आउँथे 
नमस्कार गर्दै
ङिच्च दाँत देखाएर मुस्कुराउँथे
जे भने पनि सुन्थे 
मतदानपछि मतदाता होइन्न  
मतदातालाई चिन्दैनन्
अघिसम्म ङिच्च दाँत देखाएर नमस्कार गर्नेहरु
दोहो¥याएरै पनि नमस्कार गर्नेहरु 
अब देख्दैनन्, 
नमस्कारै गरेपनि फर्काउँदैनन् । 

मतदानपछि मतदाता बोल्न हुन्न 
यो गर्छु र त्यो गर्छु भनेका कुराहरु सम्झाउनु हुन्न,  
विपक्षको मान्छे भन्दिहाल्छ । 
चुप लागेर बस्यो कि सत्तापक्षको भन्दिहाल्छ । 
मतदानपछि मतदाता, मतदाता हुन्नन् 
उसको हैसियत करदाता मात्रै हो ।