ल्हेन्दे खोलामा बाढी, सचेत हुन आग्रह

राष्ट्रिय विपद जाेखिम न्यूनीकरण तथा व्यवस्थापन प्राधिकरणले आज बिहान अन्दाजी २:०० बजेको समयमा रसुवा जिल्ला गोसाईकुण्ड गा.पा.२ ल्हेन्दे खोलामा चीनतर्फबाट पानीको बहाव बढेर बाढी आएको र उक्त बाढीले टिमुरेस्थित भन्सार परिसरमा रहेको धर्मकाटा बगाएको हुँदा स्थानीयलाई सावधानी अपनाउन आग्रह गरेकाे छ ।

अहिले पनि बाढीको सतह उच्च नै रहेकोले रसुवा, नुवाकोट र धादिङका भोटेकोशी र त्रिशुली नदी किनार र आसपासका नागरिकलाई सजकता अपनाउन प्राधिकरणले अनुरोध गरेकाे छ।

प्राधिकरणले खाेलामा माछा मार्न जाने, बाढीमा बगेर आएका काठ दाउरा टिप्न जानेजस्ता कार्यहरु नगर्न पनि आग्रह गरेकाे छ ।